ಒಂದು ಮುನ್ನುಡಿ ಬರೆಯ ಹೊರಟೆನು
ಮುಗ್ದ ನಗುನಿನ ಕವನಕೆ,
ಪುಟ್ಟ ಬಾಲೆಯೋ ಪುಟ್ಟ ಬಾಲನೋ
ಕೊಟ್ಟ ನಗುವಿನ ನೋಟಕೆ.
ಕಣ್ಣ ಹೊಳಪಲಿ ಮೂಗು ಅರಳಿದೆ,
ಗಲ್ಲ ಕೊಂಚನೆ ಉಬ್ಬಿದೆ,
ತುಟಿಯ ನಗೆಯಲಿ ಹಲ್ಲು ಬೆಳಗಿದೆ,
ಕಿವಿಯು ಕೊಂಚನೆ ನಿಮಿರಿದೆ.
ಹಾಲು ಹಲ್ಲಿನ ಸಂದು ಗುಂದಲಿ
ಕೆಂಪು ನಾಲಿಗೆ ಇಣುಕಿದೆ,
ಕೆದರು ಕೂದಲು ಹಣೆಯ ಮೇಲಲಿ
ನಗೆಗೆ ಕಚಕುಳಿ ಇಟ್ಟಿದೆ.
ಚಿಗುರು ನಗುವಿನ ಮುದದ ನೋಟಕೆ
ಎನ್ನ ಹೃದಯವು ನಾಚಿದೆ,
ತುಟಿಯು ಬಯಸಿದೆ ಮುತ್ತ ಬಿತ್ತಲು
ತುಂಟ ಮಗುವಿನ ಗಲ್ಲಕೆ.
ಸ್ಪೂರ್ತಿ,
ಬಂಟಕಲ್ಲು.
No comments:
Post a Comment